Close Window

DuCange, Glossarium mediae et infimae latinitatis (1883-7): POSSE

POSSE,³ Dominium, districtus, territorium. Charta Henrici Comitis Trecens. ann. 1165. in Chartul. Meld.: Cum Pruvinensi et Trecensi moneta eadem lege et eodem pondere per Comitatum Pruvinensem et Trecensem et in toto Posse meo ut currat et omnino sine cambio accipiatur, faciam. Si quis autem in Posse meo bonam vel falsam eam fecerit, etc. Charta Philippi III. Reg. Franc. ann. 1277. tom. 4. Ordinat. pag. 671: Si quis autem de mercatoribus predictis, aut de familiis eorumdem, crimen quod mortis penam exigat, commiserit in Posse nostro, etc. Caffari Annal. Genuens. ad ann. 1161. apud Murator. tom. 6. col. 277: Ut per ommes terras Moadinorum et Posse ipsorum secure Januenses cum omnibus rebus suis mari et terra debeant ire. Occurrit rursum in Annal. iisdem Bartholomaei Scribae ibid. col. 460. et alibi passim. Vide in Potestas.

Pouoir, eadem acceptione, in Lit. remiss. ann. 1427. ex Reg. 174. Chartoph. reg. ch. 83: Le suppliant vint demourer ou Pouoir de Demencourt, ès faubours d'Arras, en l'ostel de Gillot Lievant.