|
Pensio quaelibet, vel terrae portio alicui assignata. Charta Henr. V. reg. Angl. ex Cod. reg. 8387. 4. fol. 112. v°: Concessimus praefato consanguineo nostro castrum, villam, manerium et dominium de Lesparre,...... proviso semper quod si aliquae aliae personae ad tunc habuerint aliquem Statum pro termino vitae, vel annorum, seu in feodo talliato ex concessione nostra seu aliquorum progenitorum nostrorum in castro, villa, manerio et dominio praedictis seu aliqua parcella eorumdem, valerent eodem Statu libere et pacifice uti et gaudere. Hinc Estat, pro Appointement, in Stat. ann. 1373. tom. 5. Ordinat. reg. Franc. pag. 660. art. 16: Nul n'aura Estat, se ce ne sont les capitaines ordonnez audit nombre de cent hommes d'armes, comme dessus, lesquelz auront chascun cent francs pour moys.